İki il öncə salafandan hazırlanmış Messi forması ilə dünyanın gündəminə gələn əfqanıstanlı uşaq Murtaza Ahmedin başı dərddədir. Belə ki, Talibanın axtarışında olan uşaq yaşadığı yeri tərk etmək məcburiyyətində qalıb.
Anasının dediyinə görə, Taliban ətrafdakı bütün uşaqları öz himayəsinə götürüb onları özlərinin tərbiyə edəcəklərini bildirib. Axtarışda olan uşaqların içərisində 2016-cı ildə Messi ilə görüşən Murtaza Ahmedin də adı var. Anası bu vəziyyətdən qorxduqları üçün yaşadıqları evi tərk etdiklərini bildirib. O, Messinin Murtazaya verdiyi hədiyyələri də həmin evdə buraxdıqlarını qeyd edib.
Messi 2016-cı ildə Murtaza ilə görüşərək ona top və imzalı formasını vermişdi.