Kateqoriyasız

“Qarabağ”ın aqressiv olacağını düşünmürəm” – Devid Hili

“Bizi çətin oyun gözləyir. “Qarabağ” avrokuboklarda daimi çıxış edən yaxşı kollektivdir. Onların Kiprin APOEL klubuna qarşı son oyunlarına baxdım və ikinci oyunun nəticəsi məni təəccübləndirdi”.

İdmanxeber.az-ın Britaniya mətbuatına istinadən yaydığı xəbərə görə, bu sözləri Şimali İrlandiyanın “Linfild” klubunun baş məşqçisi Devid Hili “Qarabağ”la keçirəcəkləri Avropa Liqasının pley-off mərhələsinin ilk oyunundan öncə təşkil olunan mətbuat konfransında deyib.

40 yaşlı mütəxəssis Ağdam təmsilçisinin Çempionlar Liqası ilə vidalaşdığı üçün məyus olduğunu diqqətə çatdırıb: “Çünli rəqib indi daha da diqqətli oynayacaq. “Qarabağ”ın növbəti matçda çox aqressiv olacağını düşünmürəm. Biz hər iki görüşdə ən yaxşı oyunumuzu sərgiləməliyik. Müsbət nəticə qazanmaq üçün əlimizdən gələni edəcəyik. “Qarabağ”ın heyətində yaxşı futbolçular var”.

Qeyd edək ki, Belfastdakı qarşılaşma avqustun 22-də Bakı vaxtı ilə saat 22:45-də start götürəcək. Cavab görüşü avqustun 29-də Tofiq Bəhramov adına Respublika Stadionunda keçiriləcək (Report).


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

Stankoviç “Neftçi”də – rəsmi

admin

Hollandiyalı referi millimizdən üzr istədi

admin

21-ci duelə doğru

admin