Avropa Liqasının II təsnifat mərhələsinin ilk oyunları çərçivəsində keçiriləcək “Neftçi” – “Koper” və “Elfsborq” – “İnter” görüşlərinin baş hakimlərinin adları açıqlanıb.
İdmanxeber.com-un məlumatına görə, ilk matçı doğma azarkeşləri önündə keçirəcək “Neftçi”nin “Koper”lə matçını belaruslu referi Denis Şerbakov idarə edəcək.
İsveçdə keçiriləcək “Elfsborq” – “İnter” görüşü isə italiyalı hakim Davide Massaya həvalə olunub.
Qeyd edək ki, “Neftçi” – “Koper” oyunu saat 20:00-da başlayacaq. “Boras Arena”da baş tutacaq “Elfsborq” – “İnter” oyunu isə Bakı vaxtı ilə saat 21:00-da başlayacaq.