Braziliyada baş tutan mundialda çempion olan Almaniya millisi FIFA-dan 35 milyon avro alacaq.
İdmanxeber.com-un məlumatına görə, ali futbol qurumu 576 milyon avro mükafat fondunu dünya çempionatında çıxış edən 32 komanda arasında bölüşdürəcək ki, bundan finalçı kimi Argentinaya 25, üçüncü yerin sahibi Hollandiya yığmasına isə 22 milyon avro verəcək.
Qrupdan çıxa bilməyən hər bir milli komanda 8 milyon avroya, eləcə də təşkilati xərclərin kompensasiya edilməsi üçün 1,5 milyon avro qazanacaq. Sözgedən mükafat milli komandaların federasiyalarının hesabına köçürüləcək.