Çempionlar Liqasında “Qarabağ”ın rəqiblərindən olan “Atletiko”nun futbolçusu Filipe Luis sıradan çıxıb.
İdmanxeber.com-un məlumatına görə, braziliyalı müdafiəçi “Çelsi” ilə görüşdə (1:2) zədələnib.
“Atletiko”nun aparıcı oyunçularından olan Luisin oktyabrın 18-də Bakıda “Qarabağ”la baş tutacaq matça qədər zədəsini sağaldıb-sağaltmayacağı dəqiq bilinmir. Braziliya yığmasının həkimləri “sambaçı”nın ən azı 15 gün yaşıl meydanlardan uzaq qalacağını açıqlayıblar. Filipenin bərpa prosesi uzun çəksə, o, “Qarabağ”la görüşdə komandasına kömək edə bilməyəcək.