Azərbaycan Kubokunun 1/4 final mərəhləsində “Sabah” “Qarabağ”la üz-üzə gələcək.
İdmanxeber.az-a verilən məlumata görə, paytaxt təmsilçisi bu görüşə itkilərlə çıxacaq. Belə ki, Con İrasabal və Kristian Sebalyos zədə səbəbindən “Qarabağ”a qarşı oynaya bilməyəcək.
Adıçəkilən oyunçularla yanaşı, Ayaz Quliyevin də zədəsi var. Ancaq futbolçunun axşamkı görüşdə oynayıb-oynamayacağı bəlli deyil.
“Sabah” – “Qarabağ” matçı bu axşam saat 19:00-da start götürəcək.