AFFA İcraiyyə Komitəsi Premyer Liqanın 5-ci turunun oyunlarında qayda pozuntuları ilə bağlı qərarlar açıqlayıb.
İdmanxeber.az-ın məlumatına görə, “Səbail” – “Qəbələ” matçında “Qəbələ”nin 6, “Sumqayıt” – “Sabah” oyununda “Sabah”ın 5, “Neftçi” – “Keşlə” matçında “Keşlə”nin 4 futbolçusu sarı vərəqə ilə cəzalandığı üçün hər üç klub 800 manat cərimə olunub.
Bundan başqa, “Sumqayıt”ın futbolçusu Mehdi Şərifi və “Neftçi”nin müdafiəçisi Donald Gerye son turda ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 200 manat cərimə edilib.