14 Noyabr 2019
Ölkə futbolu

Aftandil Hacıyev narazıdı

“Sonuncu yoldaşlıq görüşümüzü keçirdik. Toplanışdakı dördüncü oyunumuzda rəqibimiz  Şimali Makedoniya komandası idi. Bildiyiniz kimi onlar da, bizim kimi UEFA Avropa Liqasında çıxış edirlər.  Rəqib, futbolçuların diqqətsizliyindən və bir dəfə ani səhvimizdən istifadə edib qol vurdu”.

İdmanxeber.az-ın məlumatına görə, bu sözləri “Səbail”in baş məşqçisi Aftandil Hacıyev Bolqarıstanda təlim-məşq toplanışı çərçivəsində Şimali Makedoniyanın “Makedoniya GP” klubuna 0:1 hesabı ilə uduzduqları sonuncu yoxlama matçından sonra deyib.

Klubun rəsmi saytına danışan 37 yaşlı mütəxəssis bildirib ki, oyunu iki hissəyə bölsək, ikinci hissəni aktivlərinə yazmaq olar: “İkinci hissədə qol epizodlarımız çox oldu. Nəticə önəmli olmasa da, istəyirdik ki, vətənə pozitiv notlarla dönək. Lakin bizim üçün ən önəmli nəticə UEFA Avropa Liqasındakı nəticə olacaq. Ümumi götürdükdə,  toplanışdan razı qala bilmərəm. Çünki yeni komanda formalaşdırmışıq. Bildiyiniz kimi, keçən ildən 11 futbolçu komandanı tərk etdi. Yeniləri  isə gec qoşuldular. Demək olar ki, toplanışın axırına gəldilər. Lakin buna baxmayaraq, çalışacağıq ki, meydanda sona qədər mübarizə aparaq”.

Qeyd edək ki, “Səbail” toplanış zamanı bundan əvvəl Bolqarıstan təmsilçiləri – Plovdiv “Lokomotiv”i (0:1) və “Beroe”yə (0:4) uduzub, Rumıniyanın “Klinçeni” klubu ilə qolsuz heç-heçə edib.

Oxşar xəbərlər

Xəqani Məmmədov: “İlk qol ofsayddan vurulub”

admin

“Bakı” Çempionlar Liqasında mübarizə aparan komanda ilə qarşılaşacaq

admin

“Kopenhagen”in 20 nəfərlik futbolçu heyəti bəlli oldu – SİYAHI

admin