"İlk oyunda böyük hesabla qalib gəldiyimiz üçün rəqibin istəkli olacağını, matçın çətin keçəcəyini bilirdik".
İdmanxeber.com-un məlumatına görə, bunu "Qarabağ" komandasının yarımmüdafiəçisi Riçard Almeyda Çempionlar Liqasının II təsnifat mərhələsinin cavab matçında Gürcüstan təmsilçisi "Samtredia" üzərində 1:0 hesablı qələbəni şərh edərkən deyib.
– Əvəzlənməyiniz nə ilə bağlı idi?
– Qasıq nayihəmdə problem vardı. Fiziki cəhətdən tam hazır deyiləm. Əvəzlənməyim öncədən planlaşdırılmışdı. Yəni, hansı dəqiqədə meydanı tərk edəcəyimi bilirdim.
– Ötən illərlə müqayisədə "Qarabağ"ın püşkatmalarda bəxtinin gətirdiyini söyləmək olar?
– Heç kim növbəti mərhələni bizə hədiyyə etməyəcək. Mərhələ keçmək üçün mübarizə aparmalıyıq. Rəqibin hansı komanda olmasında asılı olmayaraq.
– Reynaldo üçün darıxmırsınız ki?
– Qardaş kimi mənə yaxındır, darıxıram. Lakin o, öz yolunu seçdi. Artıq 6 ildir Azərbaycandayam. Hazırda heyətdə Reynaldonu əvəzləyəcək futbolçular var.