Müsahibə

Araz Abdullayev: “Priştinada finala bərabər matç olacaq”

“Bəli, qalib gəldik. Oyunda daha çox topa biz nəzarət etdik. Çalışırdıq ki, hesabı qoruyaq və bir qədər az yorulaq. Nəzərə alaq ki, bir neçə gün sonra Kosovo ilə ağır oyunumuz olacaq. Priştinada finala bərabər matç keçiriləcək”.

Bu sözləri milli komandamızın futbolçusu Araz Abdullayev Millətlər Liqasının 5-ci turunda Bakıda Farer adalarını 2:0 hesabı ilə məğlub etdikləri oyundan sonra jurnalistlərə açıqlamasında deyib. Abdullayev daha sonra sualları cavablandırıb.

– Ayaqlarınız meydanda olsa da, başınız deyəsən, Maltada qalmışdı.
– Kosovo Maltanı məğlub elədi. Bir çıxış yolumuz qalıb ki, Priştinada Kosovonu məğlub edək. Komanda şəklində bu oyunun altından çıxmalıyıq.

– Kosovonun 5:0 hesablı qələbəsi sizdə çaşqınlıq yaradıb?
– Biz də qalib gəlmişik. Artıq bir oyun qalıb. İstəyirik ki, həmin oyuna motivasiya olaq. 3 gün vaxtımız var, yaxşı hazırlaşmaq lazımdı.

– Zədən nə yerdədi?
– Hər şey yaxşıdı. Həkimlər baxacaq və növbəti oyuna hazır olacam.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Oxşar xəbərlər

“Qəbələ”nin yeni transferindən iddialı sözlər: “İndi növbə bizdədi” – MÜSAHİBƏ

admin

Aqil Məmmədov: “Qarabağ” qələbəyə layiq idi” (MÜSAHİBƏ)

admin

“Empoli”nin hücumçusu: “Əgər Azərbaycanda qorxu olmasa…” (MÜSAHİBƏ)

admin