Ölkə futbolu

“Araz-Naxçıvan” “Əshabu-Kəhf”i ziyarət etdi – FOTO

Milli-mənəvi dəyərlərə daim həssaslıqla yanaşan “Araz-Naxçıvan” kollektivi Qurban bayramı münasibətilə Naxçıvan şəhəri yaxınlığındakı “Əshabi-Kəhf” ziyarətgahına gedib.

Komanda üzvləri qurban kəsib, tarixi mağaranı ziyarət edib. Futbolçulara məlumat verilib ki, "Əshabi-Kəhf" dini-mədəni abidə kompleksi Azərbaycanda tanınmış məkanlardandır. Hər gün yüzlərlə insan bu ocağa gələrək ziyarət edir, Allah yolunda qurbanlar kəsilir. İlin bütün fəsillərində buranı ziyarət edənlərin ardı-arası kəsilmir. Abidə ölkəmizə gələn əcnəbi turistlərin də ziyarət etdiyi məkanlardandır.

Bildirilib ki, son illər "Əshabi-Kəhf"də iki dəfə abadlıq, bərpa işləri aparılıb, zəvvarlar üçün rahatlıq yaradılıb, 13 km məsafədə rahat yol salınıb, məscid tikilib, kitabə qoyulub. 2007-ci ildə aparılan quruculuq işlərindən sonra kompleksin ərazisi genişləndirilib. Ziyarətgahın ərazisində "Qonaq Evi", "Bələdçi otağı" və hədiyyələr mağazası da fəaliyyət göstərir.

Ziyarət və ziyarətgahla bağlı məlumatlar futbolçular tərəfindən maraqla qarşılanıb.

 


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43