Madrid "Atletiko"su daha bir futbolçu ilə müqavilə yeniləyib.
Klubun rəsmi saytının yaydığı məlumata görə, komandanın 27 yaşlı müdafiəçisi Dieqo Qodinlə müqavilənin müddəti 3 il uzadılıb. Hazırki müqaviləsi 2015-ci ildə başa çatacaq futbolçu 2018-ci ilə kimi Madrid təmsilçisində top qovacaq.
Qeyd edək ki, Uruqvay millisinin də üzvü olan Qodin 2010-cu ildə İspaniyanın digər klubu “Vilyarreal”dan “Atletiko”ya gəlib.