İdman

Avropa çempionatı: Qadın güləşçimiz finalda

İtaliyanın paytaxtı Romada güləş üzrə Avropa çempionatı davam edir.

İdmanxeber.az-ın məlumatına görə, dördüncü yarış günündə qadınlardan ibarət yığmamızın son 4 üzvü mübarizəyə qoşulub.

Tatyana Varansova ilk görüşdə İspaniya təmsilçisiylə üz-üzə gəlib. Mingəçevir güləş məktəbinin yetirməsi hesabda 2:5 geridə olsa da, əzmkarlıq nümayiş etdirərək yekunda qələbə qazanıb. Ancaq 1/8 finalda Hollandiya güləşçisi qarşısında aciz qalıb. Rəqibin finala çıxması həmyerlimizə təsəlliverici görüşə çıxmaq şansı verib.

Alyona Kolesnik gözlənilmədən ilk mərhələdə Norveç təmsilçisinə vaxtından əvvəl uduzub. Ancaq rəqib finala yüksəldiyi üçün yığmamızın üzvü fevralın 14-də 3-cü yer uğrunda güləşəcək.

Mübarizəyə 1/4 finaldan qoşulan Elis Manolova startda dünya və 2 qat Avropa çempionu Petra Olliylə qarşılaşıb. Təmsilçimiz ötən il Buxarestdə olduğu analoji yarışda olduğu kimi, yenə titullu rəqibinə qalib gəlib və yarımfinala yüksəlib. Rusiya güləşçisinə də gücünü göstərən Manolova ardıcıl 3-cü dəfə Avropa çempionatının finalına adlayıb.

Tatyana Omelçenko təsnifat mərhələsində italyan güləşçiyə qalib gəlib. Yığma üzvü daha sonra Macarıstan təmsilçisini üstələyərək adını yarımfinala yazdırıb. Ancaq finalın bir addımlığında dünya və ikiqat Avropa çempionu Yuliya Tkaça məğlub olub. Omelçenko fevralın 14-də bürünc medal uğrunda güləşəcək.

Qeyd edək ki, bu çəkilərdə medal qarşılaşmaları fevralın 14-də Bakı vaxtı ilə saat 21:00-da başlayacaq.

Avropa çempionatı

53 kq

Təsnifat. Tatyana Varansova – Marina Rueda Flores (İspaniya) – 8:5

1/8 final. Tatyana Varansova – Cesika Korneliya Blaşka (Niderland) – 0:10

57 kq

1/4 final. Alyona Kolesnik – Qreys Cekob Bullen (Norveç) – 0:5 (tuşe)

62 kq

Təsnifat. Tatyana Omelçenko – Aurora Kampaqna (İtaliya) – 3:0

1/4 final. Tatyana Omelçenko – Marianna Sastin (Macarıstan) – 5:3

1/2 final. Tatyana Omelçenko – Yuliya Tkaç (Ukrayna) – 0:4

65 kq

1/4 final. Elis Manolova – Petra Olli (Finlandiya) – 8:1

1/2 final. Elis Manolova – Mariya Kuznetsova (Rusiya) – 7:3

Qeyd edək ki, ötən gün mübarizəyə qoşulan Azərbaycanın 4 qadın güləşçisinin hamısı medalsız qalıb.

Oxşar xəbərlər

Ölkə kubokunun formatında dəyişiklik

admin

Qurban Qurbanov: “Məbləği şişirdiblər, transfer üçün o qədər pul istəmədilər”

admin

“Atletiko” Dieqo Simeone ilə davam edir

admin