Avropa Klublar Assosiasiyasının (ECA) yeni prezidenti bəlli olub.
İdmanxeber.com-un məlumatına görə, İtaliya “Yuventus”unun prezidenti Andrea Anyelli beynəlxalq quruma da rəhbər seçilib.
Bu, ECA-nın İsveçrənin Cenevrə şəhərində keçirilən XIX Baş Assambleyasında gerçəkləşib. İtaliyalı funksioner qurumun tarixinə ikinci prezident kimi düşüb.
ECA yaranan gündən quruma rəhbərlik edən Karl-Hayns Rummenigge isə namizədliyini irəli sürməyəcəyini öncədən açıqlamışdı.
Qeyd edək ki, 2017/18 mövsümündə ECA-da üç Azərbaycan klubu təmsil olunur. Bunlar “Neftçi”, “Qarabağ” və “Qəbələ”di.