“Qəbələ”nin futbolçusu Murad Musayev əməliyyat olunacaq.
İdmanxeber.az-a verilən məlumata görə, əcrübəli müdafiəçinin zədəsi ciddidi və o, əməliyyat olunmaq üçün Türkiyəyə yollanıb.
Premyer Liqanın son turunda “Sumqayıt”la matçda zədə alan 29 yaşlı futbolçunun 6-7 ay yaşıl meydanlardan kənar qalacağı bildirilir.
Qeyd edək ki, Musayevin xidmətində bir neçə Premyer Liqa klubu maraqlı idi. Hətta futbolçunun şifahi razılaşdığı komanda da var idi. Lakin Musayevin zədəsinin bu qədər ciddi olmasından sonra onun karyerasını harada davam etdirəcəyi sual olaraq qalır.