“Sumqayıt”la müqaviləsi başa çatan Əmir Ağayev jsport.co.il saytına müsahibə verib.
Həmin müshaibəni təqdim edirik…
– “Sumqayıt” Avropa Liqasına vəsiqə qazandı. Mövsümün əvvəlində bunu bacaracağınıza inanırdız?
– Buna inanırdıq, çünki böyük komandamız var. Bu uğura şadıq.
– Müqaviləni koronavirusa görə uzatmadın, yoxsa verilmiş peşəkar qərar idi?
– Müqavilənin uzadılmaması koronavirusla bağlı deyil. Yeri gəlmişkən, infeksiya olmasaydı, əminəm ki, statistika baxımından şəxsi rekordu qıracaqdım.
– Ötən il isarilli futbolçu Əli Babayev “Sumqayıt”dan ayrılanda hansı hissləri keçirdin?
– Əli İsrailə qayıdanda əvvəlcə qorxdum. O, mənə çox kömək edib və buna görə çox təşəkkür borcluyam.
– İsraildə və ya ölkə xaricində oynamağa hazırsız?
– İndi İsraildəyəm və nə edəcəyimizi düşünürük. Həmişə hazıram, amma indi daha təcrübəliyəm. Həyatımda mənə çox şey öyrədən 1-2 hadisə baş verdi.
– Azərbaycan çempionatının səviyyəsi necədi?
– Həmişə iddia etmişəm ki, liqaların əksəriyyəti eyni səviyyədədi. Təbii ki, ən yaxşı 5-6 liqadan başqa.
– Ailənin yanında olmağı Azərbaycana uyğunlaşmağına kömək etdi. Onlar üçün bu həyat necə keçdi?
– Biz tez uyğunlaşdıq və şəhər xoşumuza gəlirdi. Bakı həqiqətən də heyrətamiz şəhərdi. Bəli vətənimiz İsrail üçün darıxırdıq. İsraildən kənarda olduğum ən uzun müddət idi. Karyeram və maliyyə üçün güzəştlərə getdik.
– Belə parlaq mövsümdən sonra düşünmürsən ki, İsraildə oynayıb, milli komandaya düşə bilərdin?
– Dünyanın hansı liqasında oynayırsansa, özünü yaxşı göstərməlisən. Buna görə də oynadığım yerin əhəmiyyəti yoxdu. Çempionatın səviyyəsi etdiklərimə bağlı deyildi.
– Azərbaycan pasportunuz var? Bu milli komandaya dəvət almaq sizi qane edər?
– Yığmada nə qədər adamın Əmir Ağayevin Azərbaycanda nə etdiyi ilə maraqlandığını bilmirəm. Bu, onlar üçün maraqlı deyil.
– Növbəti mövsüm özünüzü harada görürsüz?
– Gələn mövsüm üçün nəsə bilmirəm. İndi darıxdığımız İsrail qoxusu ilə sakit düşünməyə zamanımız var. Daha yaxşı olacağına ümid edirik.