“Bakı”nın sabiq futbolçusu Alberto Noquera İspaniya mətbuatına müsahibə verib. Hazırda İspaniyanın “Rasinq” klubunda çıxış edən 29 yaşlı yarımmüdafiəçi ölkəmizdə oynamağın çətin olduğunu bildirib:
“Azərbaycana getməklə bağlı qərar verərkən necə olacağını deyə bilməzdim. Oranın futbolu İspaniyadan tamamilə fərqlənir. Mənə asan olmayacaqdı. Ölkədə müsəlman mədəniyyəti var. Hər şey çox fərqli idi. Buna görə də mənim üçün uyğunlaşmaq çətin idi”.
İspaniyalı futbolçu “Bakı”da 2013-2014 mövsümündə çıxış edib. O, 2009-2012-ci illərdə “Atletiko”da oynayıb.