Azərbaycan millisi Hollandiyanın paytaxtı Amsterdamda keçirilən atletika üzrə Avropa çempionatında ilk medalını qazanıb.
İdmanxeber.com-un apasport.az saytına istinadən verdiyi məlumata görə, qadınların çəkicatma yarışlarında ölkəmizi təmsil edən Anna Skidan uğurla çıxış edib.
24 yaşlı atletimiz Avropa çempionatını 3-cü yerdə başa vurub. Bürünc medal qazana Skidan 3-cü cəhdində 73,83 m nəticə göstərib.
O, yarışın qalibi polşalı Anita Vlodarçikdən 4,31 m, gümüş qazanan almaniyalı Betti Heydlerdeən 1,94 m geri qalıb.
Qeyd edək ki, Skidan Rio-2016-da da ölkəmizi təmsil edəcək.