Bir müddət əvvəl Gəncə şəhər stadionunun ot örtüyünün saralaraq bərbad vəziyyətə düşməsindən xəbərdarsınız.
İdmanxeber.com-un məlumatına görə, sözügedən stadionda ev oyunlarını keçirən “Kəpəz” rəhbərliyi bu cür halların təkrarlanmaması üçün lazımı tədbirlər görüb. Əməkdaşımızın əldə etdiyi xəbərə görə, Gəncə klubu tərəfindən Azərbaycana ilk dəfə təbii ot üçün örtük gətizdirilib. Avropadan gətirilən bu örtük, qazonu soyuq, eləcə də yağışlı hava şəraitindən qoruyacaq.
Yeni ideadan sonra ot örtüyünün saralmayacağı və bu kimi xoşagəlməz halla üzləşməyəcəyi ehtimal olunur.
