Bakıda 8 Mart – Beynəlxalq Qadınlar gününə həsr olunmuş turnir keçiriləcək.
Bu haqda turnirin təşkilatçısı, telejurnalist Rəfiqə Əziz məlumat verib. Yarış həvəskar futbol liqası olan MFL-ə məxsus arenada keçiriləcək:
“İstənilən xanım bu yarışa qoşula bilər. Onlardan heç bir ödəniş almayacağıq. Həmin gün həm maraqlı, həm də hədiyyəli olacaq. Yarışda iştirak etmək istəyənlər MFL-in Feysbuk səhifəsindən yerləşdirilən anketi bizə göndərməlidir. Müraciətlərdən sonra 24 qadın seçiləcək və hərəsində 6 oyunçu olmaqla 4 komanda təşkil ediləcək”.
Qeyd edək ki, martın 10-u, saat 15:00-da start götürəcək turnirə elə həmin gün da yekun vurulacaq. Görüşləri AFFA-nın hakimləri idarə edəcək.
qol.az