Bu gün UEFA Çempionlar Liqasında 1/8 final mərhələsinə yekun vurulacaq.
Gecə baş tutacaq son iki oyunla 1/4 finala axırıncı 2 vəsiqənin sahibi müəyyənləşəcək.
“Barselona” İspaniyada “Napoli”ni qəbul edəcək. Komandalar arasında keçirilən ilk oyunda 1:1 hesablı bərabərlik qeydə alınıb.
Günün digər oyununda “Bavariya” ilə “Çelsi” qarşılaşacaq. Londonda keçirilən ilk matçda Münhen klubu 3:0 hesablı qələbə qazanıb.
Çempionlar Liqası
1/8 final mərhələsi, cavab oyunları
8 avqust
23:00. “Barselona” (İspaniya) – “Napoli” (İtaliya)
İlk oyun – 1:1
23:00. “Bavariya” (Almaniya) – “Çelsi” (İngiltərə)
İlk oyun – 3:0
Qeyd edək ki, artıq “Mançester Siti” (İngiltərə), “Lion” (Fransa), “Leyptsiq” (Almaniya), PSJ (Fransa), “Atletiko” (İspaniya) və “Atalanta” (İtaliya) 1/4 finala vəsiqə qazanıblar.