"Bu qələbə bizim üçün çox önəmli idi. Səfərdən yaxşı nəticə ilə qayıtdıq. Oyun çətin keçdi. Ancaq biz daha yaxşı komanda olduğumuzu nümayiş etdirdik".
İdmanxeber.com-un məlumatına görə, bu sözləri "Avro-2016"nın seçmə mərhələsində səfərdə Bolqarıstana 1:0 hesabı ilə qalib gələn Xorvatiya millisinin futbolçusu İvan Rakitiç deyib:
"Əgər Azərbaycanla görüşdə də qələbə qazansaq, bu fantastik nəticə olacaq. Onlara qarşı yaxşı hazırlaşmalıyıq. Komandaya inanıram".
Qeyd edək ki, Xorvatiya – Azərbaycan oyunu oktyabrın 13-də, Bakı vaxtı ilə saat 23:45-də başlayacaq.