Almaniyanın “Bavariya” klubunun gənc futbolçusu Renatu Sanşeş sabiq komandası “Benfika”ya 5 milyon avro qazandıra bilər.
Portuqaliyalı futbolçu mövsümün qalan oyunlarının birində meydana çıxsa, göstərilən məbləğ Lissabon təmsilçisinin hesabına köçürüləcək.
Sanşeşin 2016-cı ilin yayında Münhen klubuna keçərkən imzaladığı müqavilədə belə bir bənd yer alıb. 19 yaşlı futbolçu 25 oyun həddini keçsə, 5 milyon avro bonus kimi ödənməlidir.
Sanşeş keçirdiyi 24 oyunda rəqib qapılarına yol tapa bilməyib.