“Neftçi” ÇL-in 1-ci təsnifat mərhələsində “Dinamo”nu (Tbilisi) hər iki oyunda eyni hesabla məğlub edərək (2:1) keçdi. Cavab matçından sonra Abasovun mətbuat konfransında dedikləri:
“Darıxmışdıq azarkeşlərimiz üçün. Sağolsunlar, dəstək verdilər. Möhtəşəm idi. Oyunçularıma ayrı-ayrılıqda təşəkkür bildirirəm. Pauzadan sonra ağır oyunlara çıxmaq gərginlikdi. Bunun öhdəsidən gədilər. Bəzi epizodlarda yaxşı oynadılar, bəzi epizodlada ürəkaçan olmadı. Yüz faiz əminəm ki, oyundan-oyuna düzələcək. Komanda gücləndikcə də daha yaxşı olacaq. Hər iki oyun bizimçün tam ürəkaçan deyildi. Amma pauzadan sonra 3 yoxlama görüşü keçirdik. Ardına bu cür oyunlarda həyəcanın altından çıxmaq lazımdı. Komandamız bunu bacardı.
– “Neftçi” qol buraxmalıydı ki, “ayılsın”?
– Birinci oyunda əldə etdiyimiz hesab bizi daha kontrollu oynamağa, tələsməməyə məcbur etdi. Qol buraxandan sonra oyunu xilas etmək, uduzmamaq fikrimiz var idi. Əsas nəticə idi, qalib gəldik.
– Harramiz hər iki oyunda fərqli mövqedə oynatdız. Hansında daha rahatdı?
– Harramız universal futbolçudu. Bundan əvvəlki komandasında sağda cinahda yarımüdafiədə, hücumda oynayıb. Ehtiyat skamyada az oyunçu olduğuna görə gücümüzə güc qata bilmirdik.
– “Olimpiakos” bu cür səhvləri bağışlamayacaq. Növbəti oyun haqda nə düşünürsünüz?
– Ümid edək ki, “Olimpiyakos” da bağışlayacaq səhvlərimizi. Müdafiədə səhvlərimiz, çatışmazlığımız göz qabağındadı. Amma bu turnirin əhəmiyyəti, həyəcanı o qədərdir ki, bu da hər çıxdığımız oyunda hiss olunur. Hərdən təcrübəlilər elə səhvlər edir ki, başımızı tutub qalırıq. Oyundan-oyuna yaxşı olacağıq. Nə qədər zarafat etsək də, bu cür səhvləri “Olimpiyakos” bağışlamaycaq.
– “Olimpiyakos”la oyuna qədər transfer olacaq?
– Transfer məsələsi çətindi. Gözlənilir.
– “Dinamo” ilə qarşılaşmalarda “Neftçi” “Olimpiyakos”a görə nəyisə gizlədiz?
– Heç nəyi gizlətməmişik. Biz “Olimpiyakos”la hücumda? Qəti imkan verməyəcəklər.
– Ehtiyat qüvvəsinin azlığından şikayət edirsiniz. Niyə transferlərə gecikirsiz?
– Gecikməyimizin səbəbi oyunçuları götürə bilməməkdir. 5 nəfərə yaxın oyunçu idi. Danışıqların harada qırıldığını bilmirəm. Bir komandada sol müdafiəçi yoxdursa.. “Olimpiyakos”u müzakirə edirik. Rotasiyalar etmək çətindi. Oyuna sürət qatmaq çətindi.