İdman

BOKS: Abdullayev üçün erməni rəqib

Serbiyanın paytaxtı Belqradda kişi boksçuların dünya çempionatında bu gün yarımfinal döyüşləri keçiriləcək.

İdmanxeber.az-ın məlumatına görə, bu mərhələyə yüksəlməklə artıq bürünc medalı təmin edən Azərbaycan millisinin üç üzvü də finala vəsiqə uğrunda mübarizə aparacaq.

Sərxan Əliyev (71 kq)  Yuri Zaxariyev(Ukrayna), Alfonso Dominges (86 kq) Ruis Kordoba (Kuba), Məhəmməd Abdullayev (+92) isə  Davit Çaloyanla (Ermənistan) üz-üzə gələcək.

Dünya çempionatına noyabrın 6-da yekun vurulacaq. 2 milyon 600 min ABŞ dolları mükafatı fondu olan mundialda çempion 100 min ABŞ dolları qazanacaq. İkinci yerin sahibi 50 min dollar, üçüncü pilləni tutacaq boksçu 25 min dollar mükafat alacaq.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43