“Kəpəz”in ev oyunları keçirdiyi Gəncə şəhər stadionunun yayda sökülməsi planlaşdırılır.
İdmanxeber.az-a daxil olan məlumata görə, 1 ay bundan öncə iki şirkətin rəhbər şəxsləri Gəncə şəhər stadionunda olub və arenanın söküntüsü ilə bağlı müzakirələr aparıb. Bununla bağlı həmin şirkətin nümayəndələri stadionla yaxından tanış olduqdan sonra dərhal AFFA-ya yollanıb, mövcud durumla bağlı quruma məlumat veriblər.
AFFA-nın arenanın söküntüsü ilə bağlı həmin adı açıqlanmayan şirkətə tələb olunan vəsaiti ödəmək iqtidarında olduğu bildirilib.