Ümummilli lider Heydər Əliyev adına cüdo üzrə “Böyük Dəbilqə” beynəlxalq turniri davam edir.
İdmanxeber.com-un məlumatına görə, yarışın ikinci günü kişilər arasında 73 kq, 81 kq çəki dərəcələrində, qadınlarda isə 63 kq, 70 kq çəki dərəcələrində mübarizə aparan cüdoçular arasında qaliblər müəyyənləşəcək.
Xatırladaq ki, “Böyük Dəbilqə”nin final görüşləri saat 17:00-da start götürəcək və “CBC Sport” kanalı vasitəsi ilə canlı yayımlanacaq.
Qeyd edək ki, turnirdə 31 ölkədən 183 idmançı (110 kişi, 73 qadın) qalib adı uğrunda mübarizə aparır.