“Real”ın baş məşqçisi Zinəddin Zidan Çempionlar Liqasının 1/4 final mərhələsinin ilk oyununda “Bavariya”ya qarşı keçirəcəkləri görüşdən danışıb.
Fransız mütəxəssis bu oyunu Zidan-Ançelotti yox, 2 böyük klubun qarşıdurması adlandırıb:
“Mən Karlonu yaxşı tanıyıram, o da məni. Amma bu, elə də əhəmiyyət daşımır. Sabahkı oyun Zidan-Ançelotti yox, 2 böyük klubun qarşıdurmasıdır.
Riberi də mənə yaxşı tanışdır. O, komandası üçün vacib futbolçudur. Frankı ilk dəfə millidə görəndə hiss etmişdim ki, döyüşkən xarakterə malikdir”.