16 Sentyabr 2019
Ölkə futbolu

“CBC Sport”dan azarkeşləri sevindirən bəyanat

İdmanxeber.az CBC Sport kanalının yaydığı bəyanatı sizə təqdim edir:

“CBC Sport” telekanalı bəyan edir ki, Azərbaycanın futbol azarkeşlərinin və auditoriyanın maraqlarını nəzərə alaraq, bu mövsüm “CBC Sport” TV-nin Azərbaycan ərazisində yayımı üzrə müstəsna hüquqlara malik olduğu UEFA Çempionlar Liqası, UEFA Avropa Liqası və futbol üzrə İspaniya çempionatının ölkə ərazisinə yayım əhatəsini genişləndirmək və auditoriyanın daha çox sayda oyun izləməsini təmin etmək məqsədilə “CBC Sport” və “İdman Azərbaycan” telekanalları arasında memorandum imzalanmışdır.

Memorandumun müddəalarına əsasən, yuxarıda adıçəkilən yarışlar çərçivəsində eyni vaxtda başlanan və “CBC Sport”un efirində yayımı mümkün olmayan oyunların siqnalı “İdman Azərbaycan” telekanalına təmənnasız şəkildə ötürüləcək.

Azərbaycan teleməkanında ilk dəfə bu cür addım atan “CBC Sport” TV ümid edir ki, izləyicilər və Azərbaycandakı futbol azarkeşləri bu yenilikdən razı qalacaq, həmçinin bu cür addımlar gələcək layihələr üçün örnək rolunu oynayacaq.

Oxşar xəbərlər

Stenli Brard: “Sentyabr ayı ərzində başqa yeni futbolçuların gəlişi də gözlənilir”

admin

“Qəbələ” BATE ilə qarşılaşacaq

admin

Dünya çempionatında bugün keçiriləcək oyunları canlı yayımlayacaq kanallar – TV AFİŞA

admin