Bu gün Çempionlar Liqasında pley-off mərhələsinin cavab oyunlarına start verilib.
İdmanxeber.com-un məlumatına görə, artıq qrup mərhələsinə yüksələn ilk komandanın adı bəllidir. Bu, Şotlandiyanın “Seltik” klubudur. Qazaxıstanda “Astana”ya 3:4 hesabı ilə uduzan komanda ilk görüşdə qazanılan qələbə sayəsində (5:0) mərhələni adlayıb.
Öz meydanında “Sevilya”ya 1:2 hesabı ilə uduzan Türkiyənin “Başakşəhər” klubu bu dəfə rəqibi ilə İspaniyada qarşılaşıb. Matçda hesabı Türkiyə təmsilçisi açsa da, “Sevilya” oyunun gedişatını dəyişməyi bacarıb. 4 qolun vurulduğu görüşdə qalib aşkarlanmayıb – 2:2.
Qeyd edək ki, turnirdə ölkəmizi təmsil edən “Qarabağ”ın “Kopenhagen”lə oyunu sabahdır.
22 avqust
Çempionlar Liqası
Pley-off mərhələsi, cavab görüşləri
“Astana” (Qazaxıstan) – “Seltik” (Şotlandiya) – 4:3
Qollar: Ajer, 26-avtoqol (1:0), Sincler, 34 (1:1), Mujikov, 48 (2:1), Tvumasi, 49 (3:1), 69 (4:1), Ntcam, 80 (4:2), Griffits, 90 (4:3)
İlk oyun – 0:5
“Maribor” (Sloveniya) – “Hapoel” (Beer-Şeva, İsrail) 1:0
Qol: Viller, 15
İlk oyun – 1:2
“Riyeka” (Xorvatiya) – “Olimpiakos” (Yunanıstan) 0:1
Qol: Marin, 25
İlk oyun – 1:2
“Nitsa” (Fransa) – “Napoli” (İtaliya) 0:2
Qollar: Kalyexon, 48, İnsinye, 89
İlk oyun – 0:2
“Sevilya” (İspaniya) – “Başakşehir” (Türkiyə) 2:2
Qollar: Elia, 17 (0:1), Eskudero, 52 (1:1), Ben Yedder, 75 (2:1), Viska, 83 (2:2)
İlk oyun – 2:1