“Quançao Everqrand” futbolçusu Paulinyonun “Barselona”ya keçidinə icazə verməyib.
İdmanxeber.com-un məlumatına görə, bu barədə Çin klubunun rəsmi saytı məlumat yayıb.
Məlumatda bildirilir ki, kataloniyalıların 28 yaşlı yarımmüdafiəçi üçün 23 milyon avroluq təklifi rədd edilib:
“Paulinyo bizimlə yeni müqavilə imzalayıb. Onunla daha uzun illər çalışmaq istəyirik və satmaq niyyətimiz yoxdur. Bu səbəbdən “Barselona”nın təklifini qəbul etmədik”.
Qeyd edək ki, brazilyalı futbolçu 2015-ci ildən Çin klubunda çıxış edir.