Avropa Liqasının birinci təsnifat mərhələsi çərçivəsində “Kəpəz”lə cavab oyununa çıxacaq Moldovanın “Daçiya” klubu azarkeşlərinə müraciət ünvanlayıb.
İdmanxeber.com-un məlumatına görə, klub saytı vasitəsilə söylənən müraciətdə iyulun 7-də keçiriləcək qarşılaşmada tərəfdarlardan komandaya dəstək vermələri xahiş olunur.
“Daçiya” rəsmiləri hətta azarkeşlərə matçın keçiriləcəyi Speyaya gəlib-qayıtmaları üçün yol xərclərini də ödəyəcəklərini vəd ediblər. Stadiona gələnlərə isə matçın biletləri pulsuz veriləcək.
Xatırladaq ki, “Daçiya” – “Kəpəz” matçı iyulun 7-də Speyada şəhərinin eyniadlı stadionunda keçiriləcək və görüş Bakı vaxtı ilə saat 19:00-da baş tutacaq.