Marko Deviç Ukrayna mətbuatının diqqət mərkəzinə düşüb.
Ukrayna mətbuatı Premyer Liqamızın bombardiri Deviç barəsində yazıb. “Obozrevatel” nəşri 35 yaşlı oyunçunun əvvəlki günlərinə qayıtdığını bildirib:
“Deviç təqaüdə sakit getməyə hazırlaşmır və yenə əvvəlki günlərini xatırladır. Düzdür, Ukraynada Deviçi çoxdan siyahıdan siliblər. “Metallist”dəki əla karyeradan sonra az-çox “Rubin”də oynadı. Bundan sonra isə Qətər, Lixtenşteyn və Rusiya çempionatlarında itib-batdı. Son olaraq isə Azərbaycanda “Sabah”a keçdi. Ancaq Serbiya əsilli ukraynalı bu komandada oynayır, yola vermir. Hazırda onun ehtiyatında 4 oyundan sonra 5 qol var”.
Qeyd edək ki, mövsümün əvvəlində “Sabah”a transfer olunan Ukrayna millisinin sabiq üzvü 4 turdan sonra 5 qolla bombardirlər siyahısına başçılıq edir.