Hollandiya millisinin yeni baş məşqçisi vəzifəsinə Dik Advokat təyin edildi.
Bu barədə məlumatı Hollandiya Futbol Federasiyası yayıb. 69 yaşlı mütəxəssislə 2017-ci ilin noyabr ayına qədər müqavilə imzalanıb. Komanda DÇ-2018-in final mərhələsinə vəsiqə qazansa, onunla müqavilənin müddəti artırılacaq.
Advokatın köməkçisi isə Ruud Qullit olacaq.
Hollandiya DÇ-2018-in seçmə mərhələsində A qrupunda mübarizə aparır və 5 turdan sonra 7 xalla 6 komanda arasında 4-cüdür.