Donald Gerye ölkə mətbuatına açıqlama
İdmanxeber.az-ın məlumatına görə, “Qarabağ”ın haitili yarımmüdafiəçisi Donald Gerye ölkəsinin mətbuatına açıqlama verib. O, istənilən mövqedə oynamağa hazır olduğunu bildirib:
“Klubda və millidə istənilən mövqedə oynaya bilərəm. Bu, komandanın oyun üslubundan asılıdır. Baş məşqçi hansı mövqeyə qoysa, orada oynamağa, onun arzusunu yerinə yetirməyə çalışıram. Mən universal futbolçuyam. Müdafiə və yarımmüdafiənin cinahlarında, hətta hücumda da oynaya bilərəm”.
Qeyd edək ki, Gerye ilk vaxtlarda “Qarabağ”da hücumameylli yarımmüdafiəçi kimi çıxış etsə də, sonradan Qurban Qurbanov onu müdafiənin solunda – Ansi Aqollinin mövqeyində sınamağa başlayıb.