Braziliyanın “Atletiko Mineyro” və Uruqvayın “Sportinq Defensor” komandaları arasında keçirilmiş Libertadores Kuboku matçında maraqlı hadisə baş verib.
İdmanxeber.az-in məlumatına görə, görüşün dördüncü hakimində elektron tablo olmadığından kağızlardan istifadə edib.
Texniki avadanlığın İndependensiya stadionunun ofislərinin birində qaldığı bildirib. Dördüncü hakim I və II hissəyə əlavə olunmuş dəqiqə sayını və oyunçu dəyişikliyini göstərmək üçün kağızlardan yararlanıb.
Qeyd edək ki, görüş 0:0 hesabı ilə başa çatıb. İlk matçda rəqibini 2:0 hesabı ilə məğlub edən “Atletiko Mineyro” Libertadores Kubokunun qrup mərhələsinə vəsiqə qazanıb.