Topaz Premyer Liqasının X turunda “Qəbələ” komandası “Sabah”ı qəbul edib. Oyunun ardından qonaq komandanın baş məşqçisi Elşad Əhmədov görüş barəsində fikirlərini bildirib:
“Maraqlı oyun oldu. İkinci hissə çox yaxşı oynadıq. İlk hissə gözlədiyimiz kimi olmadı. Demək olar ki, heç-heçəlik oyun idi”.
– Fasilədə oyunçularla nə söhbət etdiniz? Deviçin olmaması nə qədər təsir edir sizə?
-Deviçin olmaması dişsizlik yaratdı. Fasilədən sonra oyunda dönüş etmək barəsində danışdıq. Sürətli oynamaq üçün müəyyən dəyişikliklər etməliydik.
-Heyətdə dəyişiklik etməyiniz məğlubiyyətdə rol oynadı?
-Ramosla başlaya bilməzdim. Oyunçu çox yorğun idi. Hər oyun oynayırdı. Təbii ki, o, oyuna girəndən sonra oyunda xeyli dönüş oldu. Bəlkə də onunla başlasaydıq daha fərqli olardı.
