Millimizin qapıçısı Emil Balayev karyerasını Norveçdə davam etdirə bilər.
İdmanxeber.az-ın Norveç mətbuatına istinadən verdiyi məlumata görə, son olaraq Qazaxıstan “Tobol”unda çıxış edən qolkiper “Bude-Qlimt”dən təklif alıb. Artıq Balayev danışıqlar üçün sözügedən ölkədədi. Bude təmsilçisinin qapıçılar üzrə məşqçi Conas Ueland Kolstad yerli mətbuata açıqlamasında bunları deyib:
“Biz uzun müddətdir ki, Emil Balayevi izləyirik. O, həm “Tobol”da, həm də Azərbaycan millisi ilə Avropa çempionatı matçlarında uğurlu çıxış edib. İndi onu daha yaxından görmək üçün məşqlərimizə dəvət etdik”.