Millimizin üzvləri Kamran Ağayevlə Emin Mahmudovun şərəfini qoruduğu Portuqaliyanın “Boavişta” klubu Premyer Liqada yaranan fasilədən yararlanaraq yoxlama oyunu keçirib.
İdmanxeber.com-un məlumatına görə, Portu təmsilçisi sequndada da mübarizə aparan “Panafiel” klubu ilə qarşılaşıb. Matç “Boavişta”nın minimal hesablı qələbəsi ilə başa çatıb – 1:0.
Millimizin futbolçusu Emin Mahmudov matça strart heyətdə başlayıb. Mahmudov fasilədə əvəzlənib.
Kamran Ağayev isə bu oyunda iştirak etməyib. O, hazırda ölkəmizdə olduğu üçün heyətdə yer almayıb.