Türkiyə klubları rəsmi “feysbuk” səhifələrindən Azərbaycanın müstəqllik gününü təbrik edib.
“Fənərbaxça” xalqımızı Azərbaycan dilində və Məhəmməd Əmin Rəsulzadənin məşhur sözləri ilə təbrik edib: “Bir kərə yüksələn bayraq, bir daha enməz! Azərbaycanın müstəqillik günü mübarək olsun!”.
“Trabzonspor” isə Azərbaycanın Dövlət Müstəqilliyinin 27-ci il dönümünü təbrik edib.
Qeyd edək ki, digər Türkiyə klubu olan “Beşiktaş”da bir neçə saat öncə Türkiyə və Azərbaycanın bayrağını paylaşaraq, xalqımızı təbrik etmişdi.