Kateqoriyasız

Final günü metro neçəyə qədər işləyəcək? – rəsmi açıqlama

UEFA Avropa Liqasının final qarşılaşmasının Bakı Olimpiya Stadionunda keçirilləcəyini nəzərə alan Bakı Metropoliteni mayın 29-da və 30-na keçən gecə gücləndirilmiş iş rejimində çalışacaq.

İdmanxeber.az qurumun rəsmi saytına istinadən xəbər verir ki, sərnişinlərin təhlükəsizliyi və rahatlığını təmin etmək məqsədilə əlavə işçi qüvvəsinin və texniki vasitələrin, o cümlədən xəttə buraxılmaq üçün ehtiyat qatarların ayrılması nəzərdə tutulub.

Bununla yanaşı, oyunun keçirilməsi üzrə Təşkilat Komitəsinin müraciətinə əsasən, “Bakı Metropoliteni” QSC-nin rəhbərliyi futbol matçının keçiriləcəyi saatlarda iş qrafikində bir sıra dəyişikliklər edəcək. Futbolu izləyən tamaşaçıların metropolitendən istifadəsini təmin etmək məqsədilə, zərurət yaranacağı təqdirdə, həmin gecə saat 04:00-a qədər sərnişinlərin metropolitenə daxil olması və müvafiq marşrutlar üzrə hərəkət etməsi təmin ediləcək.

Sərnişinlərə yüksək səviyyədə mədəni xidmət göstərilməsi və onların məmnunluğu məqsədilə may ayının 27-dən turistlərin daha sıx istifadə edəcəyi ehtimal olunan stansiyalarda könüllülər əcnəbilərə bələdçilik edəcək. Üzərinə “Ask me” yazılmış xüsusi geyimlərdə olacaq könüllülər müvafiq qaydada təlimatlandırılaraq, hər biri yaddaş kitabçaları ilə təmin olunacaqlar.

Oxşar xəbərlər

“Arsenal” “Qarabağ” azarkeşləri üçün bilet satışına başladı

admin

“Sabah”ın Qazaxıstan klubu ilə oyununun saatı açıqlandı

admin

Mladen Milinkoviç: “İlk oyuna baxmış daha yaxşı idik”

admin