Ölkə futbolu

FLAŞ! Bu legionerlər “Xəzər Lənkəran”da oynamaq istəmirlər: “Telefonlarına zəng çatmır”

Türkiyənin Ərzurum bölgəsində təlim-məşq toplantısında olan "Xəzər Lənkəran" hazırlıqlarını davam etdirir.

İdmanxeber.com-a klubun mətbuat xidmətindən verilən məlumata görə, hələ də Etame Mbilla və Sadio Tounkara düşərgəyə qoşulmayıblar. 

Cənub komandasının mətbuat xidmətinin rəhbəri Hüseyn Cəbrayıloğlu bu futbolçuların hansı səbəbən gəlmədiklərini bilmir:

"Telefonlarına zəng çatmır. Məsuliyyətsizlik edirlər. Yəqin burada oynamaq istəmirlər. Ancaq bizim onlarla müqaviləmiz var. Ona görə də onları FIFA-ya şikayət edəcəyik".

Klub bu futbolçularla bağlı yekun qərarını verib. Hər iki oyunçudan FIFA-ya şikayət olunacaq. 

Sonda onu da qeyd edək ki, həm Tounkara, həm də Mbilla klubda çıxış etmək istəmirlər. Baxmayaraq ki, hər iki afrikalının hələ XL-lə bir illik müqaviləsi var. 


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43