“Neftçi”nin azarkeş qrupu olan “Forza Neftçi” komandaların oyununa gəlməyəcəyini bəyan edib.
Azarkeş qrupu bu barədə “facebook” səhifələrində məlumat yayıb:
“Diqqət! “Forza Neftçi” olaraq bir müddət tribunadan çəkilmək qərarı aldıq. Buna səbəblər çoxdur, əsas səbəblər isə klubda öz işlərini layiqincə görə bilməyənlər, “Neftçi”nin üzərində rəhbər şəxslərin apardığı “oyunlar”, istefa şüarını qəbul etməyib, insanları tribunadan uzaqlaşdırmaq, qapıları bağlayıb, fasilədə azarkeşləri tribunaya buraxmamaqdır. Bir şeyi yadda saxlayın ki, o kresloda heç kəs daimi deyil. Neftçi o loqoya görə həyatını qurban verənlərindir! Geri dönüşümüz möhtəşəm olacaq, hamımız üçün!”