Almaniyalı azarkeşlər Bakıda UEFA Avropa Liqasının qrup mərhələsi çərçivəsində keçiriləcək “Qarabağ” – “Frayburq” görüşündə komandalarını tək qoymayacaqlar.
Ağdam təmsilçisinin mətbuat xidmətindən İdmanxeber.az saytına verilən məlumata görə, 500-ə yaxın azarkeş Almaniya klubunu dəstəkləmək üçün paytaxtımıza gələcək.
Qeyd edək ki, sözügedən qarşılaşma noyabrın 3-ü saat 21:45-də start götürəcək. Görüş Tofiq Bəhramov adına Respublika stadionunda keçiriləcək.