06 Dekabr 2022
Kateqoriyasız

Gəncəli azarkeşləri sevindirəcək xəbər – Rəsmi

“Kəpəz” bu mövsüm ev oyunlarını Gəncədə keçirməsi ilə ilə bağlı Peşəkar Futbol Liqasına müraciət edəcək.

İdmanxeber.az xəbər verir ki, bu barədə klubun mətbuat xidməti məlumat yayıb.

“Kəpəz” Peşəkar Futbol Klubu İctimai Birliyinin İdarə Heyətinin bu günlərdə reallaşan növbəti iclasında əsas komandanın oyunlarını Gəncədə keçirə bilməməsi yenidən müzakirə mövzusu olub. İdarə Heyətinin üzvləri tərəfindən bu problemin həlli istiqamətində dəstəyin göstərilməsi üçün Gəncə şəhər İcra Hakimiyyətinin rəhbərliyi ilə müzakirələr aparılıb. Nəticədə şəhər stadionunun birinci yarusunda tribunalara təkrar texniki baxışın keçirilməsi üçün Fövqəladə Hallar Nazirliyinə müraciət olunub. Müvafiq orqanların əməkdaşları tərəfindən arenaya vizual baxış keçirilib. Birinci yarusda tribunaların mövcud vəziyyəti nəzərə alınaraq təhlükəsizlik qaydalarına riayət olunmaqla stadiona məhdud sayda azarkeşin buraxılması mümkün hesab edilib. Yeni rəyə uyğun olaraq klubumuz tərəfindən komandamızın ev oyunlarını Gəncədə keçirə bilməsi üçün qərara yenidən baxılması ilə bağlı Peşəkar Futbol Liqasına müraciət olunacaq” – deyə açıqlamada bildirilir.


İdmanla bağlı qarşılaşdığınız hadisələrin video və ya fotosunu çəkərək bizə göndərin: 070 242 41 43

Related posts

Finala doğru: “Qəbələ” – “Sumqayıt” oyununda anşlaq gözlənilir

admin

TV AFİŞA: Hansı oyun, hansı kanalda?

admin

“Neftçi”i qapıçısını itirdi

admin