Hannesin qapısını qoruduğu İslandiya məğlub olub.
“Qarabağ”ın oyunçusu Hannes Halldorssonun qapısını qoruduğu İslandiya millisi doğma meydanda İsveçrəyə 1:2 hesabı ilə məğlub olub. Oyundan sonra açıqlama verən Halldorsson “Qarabağ”da ehtiyatda qalmasının millidəki performansına təsir etmədiyini bildirib:
“Hazırda “Qarabağ”da qapıçı mövqeyində böyük rəqabət var. Rəqabətin olması təbii ki, oyunçuların xeyrinə olur. Düşünmürəm ki, orada davamlı oynamamağım millidəki oyunlarıma pis təsir edir”.