Avstriyada təlim-məşq toplanışını davam etdirən “Qarabağ” hazırlığın on birinci gününü tək məşqlə başa vurub.
İdmanxeber.com-un məlumatına görə, günorta saatlarında hava şəraiti kəskinləşsə də, bu, komandaya mane olmayıb. Axşam yerli saatla 19:00-da start götürən çalışma təxminən 1 saat 20 dəqiqə davam edib.
Qeyd edək ki, “Qarabağ” sabah təlim-məşq toplanışı çərçivəsində üçüncü yoxlama görüşündə Rusiyanın “Dinamo” (Moskva) klubuyla qarşılaşacaq. Matç yerli vaxtla saat 18:00-da (Bakı vaxtıyla 20:00) start götürəcək.