“Mançester Yunayted”in futbolçusu Zlatan İbrahimoviç fantastik təklifdən imtina edib.
İdmanxeber.com-un məlumatına görə, Çin klublarından biri təcrübəli futbolçunu rənglərinə bağlamaq istəyib. “Daily Mail”də yer alan məlumata görə, çinlilər İbraya illik 143 milyon avroluq əmək haqqı təklif ediblər. Ancaq isveçli ulduz bu təklifi dəyərləndirmək istəməyib.
Qeyd edək ki, 35 yaşlı fovardın daha 1 il “Mançester Yunayted”də qalacağı dəqiqdi. “Qırmızı şeytanlar”ın baş məşqçisi Joze Mourinyonun verdiyi məlumata görə, təcrübəli futbolçu tezliklə yeni müqavilə imzalayacaq.