Avropa Liqasının 1/4 final mərhələsinin cavab oyunlarında “Anderlext”lə matçda zədələnən “Mançester Yunayted”in futbolçusu Zlatan İbrahimoviçin durumuna aydınlıq gəlib.
İdmanxeber.com-un məlumatına görə, 35 yaşlı forvardın durumu ciddidi. Avropa Liqasının 1/4 final mərhələsinin “Anderlext”lə cavab matçında zədələnən isveçli hücumçu uzun müddət yaşıl meydanlardan uzaq qalacaq.
Diz bağlarından ciddi zədə alan təcrübəli futbolçu 2018-ci ilin yanvar ayına kimi futbol oynaya bilməyəcək.
Qeyd edək ki, cari mövsüm “Mançester Yunayted”in heyətində 46 oyun keçirən isveçli hücumçu 28 qol vurub.