Gürcüstanın Bolnisi şəhərində cüdo üzrə yeniyetmə idmançıların beynəlxalq turniri keçirilib.
İdmanxeber.az-ın məlumatına görə, bu turnirdə idmançılarımız üç medal qazanıb.
30 kq çəki dərəcəsində Fəxri Ədilov və 46 kq çəkidə yarışan İsmayıl Nəsibov qızıl medal qazanıb. Nihad İsgəndərli isə yarışı bürünc medalla başa vurub.
Xatırladaq ki, Fəxri Ədilov ilk yarışındaca erməni idmançını 10 saniyəyə məğlub edib. Sonrakı görüşlərdə isə gürcü idmançılara qalib gələrək qızıl medala sahib çıxıb.